Автор неизвестен -- Древнерусская литература - Слово о полку Игореве

посоухоу

живыми шереширы стрѣляти

оудалыми сыны глѣбовы

Ты боуи рюриче и давыде

не ваю ли бояре

злачеными шеломы

по крови плаваша

не ваю ли храбрая дроужина

рыкають акы тоури

ранены саблями калеными

на полѣ незнаемѣ

въстоупита господина

въ злата стремени

за обидоу сего времени

за землю роуськоую

за раны игоревы

боуего святъславлича

галичькъи осмомыслѣ ярославе

высоко сѣдиши на своемь

златокованѣмь столѣ

подъперъ горы оугорьскыѣ

своими желѣзьными пълкы

застоупивъ королеви поуть

затворивъ доунаю ворота

меча беремены черезъ облакы

соуды рядя до доуная

грозы твоѣ по землямъ текоуть

отъворяеши кыевоу врата

стреляеши съ отьня злата стола

салътаны за землями

стрѣляи господине коньчака

поганаго кощея

за землю роуськоую

за раны игоревы

боуего святъславлича

А ты боуи романе и мьстиславе

храбрая мысль носить

ваю оумъ на дѣло

высоко плаваеши на дѣло въ боуести

яко соколъ на вѣтрехъ ширяяся

хотя пътицю въ боуиствѣ одолѣти

соуть бо оу ваю желѣзьныи папорзи

подъ шеломы латиньскыми

тѣми тресноу земля и мъногы страны

хынова литъва ятвязи деремела

и половьци соулици своѣ повьргоша

а главы своѣ поклониша

подъ тыѣ мечи харалоужьныѣ

нъ оуже къняже

игорю оутьрпѣ сълньцю свѣтъ

а дерево не бологомь листъвие сърони

по ръси и по соулѣ грады подѣлиша

а игорева храбраго пълкоу не крѣсити

донъ ти къняже кличеть

и зоветь кънязи на побѣдоу

ольговичи храбрии кънязи

доспѣли на брань

инъгварь и вьсеволодъ

и вьси трие мьстиславличи

не хоудà гнѣзда шестокрильци

непобѣдьными жеребии

собѣ власти расхытисте

кое ваши златии шеломы

и соулици ляцькыѣ и щиты

загородите полю ворота

своими острыми стрѣлами

за землю роуськоую

за раны игоревы

боуего святъславлича

VII

ОУже бо соула не течеть

сьребреными строуями

къ градо^мъ переяславля

и двина болотомь течеть

онымъ грозьнымъ полочаномъ

подъ кликомь поганыхъ

единъ же изяславъ

сынъ васильковъ

позвони своими острыми мечи

о шеломы о литовьскыѣ

притрепа славоу

дѣдоу своемоу вьсеславоу

а самъ подъ чьрлеными щиты

на кровавѣ травѣ

притрепанъ литовьскыми мечи

и съхоти ю на кровъ

ать и рекъ^мо

дроужиноу твою къняже

пътицѣ крилы приодѣ^ша

а звѣри кровь полизаша

не быс^ть тоу брата брячяслава

ни дроугаго вьсеволода

единъ же изрони женьчюжьноу доушю

ис храбра тѣла черезъ злато ожерелие

оунылы голоси пониче веселие

троубы троубять городеньскыѣ

ярославли и вьси въноуци вьсеславли

оуже понизите стязи свои

воньзите свои мечи вережени

оуже бо выскочисте из дѣдьнеѣ славы

вы бо своими крамолами

начасте наводити поганыѣ

на землю роуськоую

на жизнь вьсеславлю

которое бо бѣше насилие

отъ земли половецькыѣ

На седьмомь вѣцѣ трояни

вьрже вьсеславъ жеребии

о дѣвицю собѣ любоу

тъи клюками подъпьръся окони

искочи къ градоу кыевоу

и дотъчеся строужиемь

злата стола кыевьскаго

скочи отъ нихъ лютымь звѣремь

въ пълъночи из бѣлагорода

обѣсися синѣ мьглѣ

оутърже вазни съ три коусы

отъвори ворота новоугородоу

расшибе славоу ярославоу

скочи вълкомь до немигы съ доудоутокъ

на немизѣ снопы стелють головами

молотять чепы харалоужьными

на тоцѣ животъ кладоуть

вѣють доушю отъ тѣла

немизѣ кровави берези

не бологомь бяхоуть посѣяни

посѣяни костьми роуськыхъ сыновъ

вьсеславъ кънязь людемъ соудяше

къняземъ грады рядяше

а самъ въ ночь вълкомь рискаше

ис кыева дорискаше

до коуръ тьмоутороканя

великомоу хърсови

вълкомь поуть прерискаше

томоу въ полотьскѣ позвониша заоутренюю

рано у святыѣ софеи въ колоколы

а онъ въ Кыевѣ звонъ слыша

аще и вѣща доуша въ дроузѣ тѣлѣ

нъ часто бѣды страдаше

томоу вѣщеи боянъ

и пьрвое припѣвъкоу съмысленыи рече

ни хытроу, ни гораздоу

ни пътицю гораздоу

соуда божия не миноути

О стонати роуськѣи земли

помяноувъше пьрвоую годиноу

и пьрвыхъ кънязеи

того стараго владимѣра

не льзѣ бѣ пригвоздити

къ --">