Автор неизвестен - Религиоведение - Требник
на церковнославянском языкеНазвание: | Требник | |
Автор: | Автор неизвестен - Религиоведение | |
Жанр: | Религия | |
Изадано в серии: | неизвестно | |
Издательство: | неизвестно | |
Год издания: | - | |
ISBN: | неизвестно | |
Отзывы: | Комментировать | |
Рейтинг: | ||
Поделись книгой с друзьями! Помощь сайту: донат на оплату сервера |
Краткое содержание книги "Требник"
Аннотация к этой книге отсутствует.
Читаем онлайн "Требник". [Страница - 3]
- 1
- 2
- 3
- 4
- 5
- . . .
- последняя (79) »
[И аще младенец крещен есть, творит иерей воцерковление, аще же ни, творит сие по крещении. Молитвам же зде творит отпуст.] Таже прием священник отроча, начертавает крест им пред враты храма, глаголя:
Воцерковля́ется раб Бо́жий, имярек, [или: раба́ Бо́жия, имярек,] во и́мя Отца́, и Сы́на, и Свята́го Ду́ха, ами́нь.
Таже вводит е во храм, глаголя:
Вни́дет в дом Твой, покло́нится ко хра́му свято́му Твоему́.
И входит посреде храма, глаголя:
Воцерковля́ется раб Бо́жий:
Таже глаголет:
Посреде́ це́ркве воспое́т Тя.
Таже вводит пред дверьми жертвенника, глаголя: Воцерковля́ется раб Бо́жий:
И вводит е во святый жертвенник, аще будет мужеский пол: аще же женский, даже до Царских врат, глаголя:
Ны́не отпуща́еши раба́ Твоего́, Влады́ко, / по глаго́лу Твоему́ с ми́ром, / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков / и сла́ву люде́й Твои́х Изра́иля.
И по сих полагает е при дверех жертвенника, и тако восприемник поклонився трижды, вземлет е, и исходит. И священник творит, яко обычай, отпуст.
(обратно)
Молитва жене, егда извержет младенца
Творит священник: Благослове́н Бог наш: Трисвятое. Пресвята́я Тро́ице: И по О́тче наш: Я́ко Твое́ есть Ца́рство:Таже отпустительный тропарь дне. Таже:
Го́споду помо́лимся.
Влады́ко Го́споди Бо́же наш, рожде́йся от Святы́я Богоро́дицы и Присноде́вы Мари́и, и во я́слех я́ко младе́нец возлеги́й, Сам рабу́ Твою́ сию́ днесь су́щу во гресе́х, во уби́йство впа́дшую во́лею или́ нево́лею, и зача́тое в ней изве́ргшую, поми́луй по вели́цей Твое́й ми́лости: и прости́ ея́ во́льная и нево́льная прегреше́ния: и сохрани́ от вся́каго диа́вольскаго козноде́йствия, и скве́рну очи́сти, боле́зни исцели́: здра́вие и благомо́щие те́лу с душе́ю ея́ человеколю́бче да́руй, и А́нгелом све́тлым сию́ соблюди́, от вся́каго наше́ствия неви́димых де́монов: ей, Го́споди, от неду́га и ослабле́ния. И очи́сти ю́ от теле́сныя скве́рны, и разли́чных ей находя́щих стуже́ний утро́бных, и изведи́ ю́ мно́гою Твое́ю ми́лостию, во смире́ннем ея́ те́ле. И возста́ви ю́ от одра́, на не́мже лежи́т: я́ко во гресе́х роди́хомся, и в беззако́ниих и скверна́вы вси есмы́ пред Тобо́ю, Го́споди, и со стра́хом вопие́м и глаго́лем: при́зри с Небесе́ и виждь не́мощь нас, осужде́нных, и прости́ рабе́ Твое́й сей, имярек, су́щей во гресе́х, уби́йству впа́дшей во́лею или́ нево́лею, и в ней зача́тое изве́ргшей, и всех обрета́ющихся и прикосну́вшихся ей, по вели́цей Твое́й ми́лости, я́ко благ и человеколю́бец Бог поми́луй и прости́. Я́ко Ты еди́н и́маши власть оставля́ти грехи́ и беззако́ния, моли́твами Пречи́стыя Твоея́ Ма́тере и всех святы́х.
Я́ко подоба́ет Тебе́ вся́кая сла́ва, честь и поклоне́ние со Отце́м и Святы́м Ду́хом, ны́не и при́сно, и во ве́ки веко́в, ами́нь.
И бывает отпуст.
Молитва во еже сотворити оглашеннаго.
Разрешает священник пояс хотящаго просветитися, и совлачает и отрешает его, и поставляет его к востоку, во единой ризе непрепоясана, непокровена и необувена, имущаго руце доле, и дует на лице его трижды, и знаменует чело его и перси трижды, глаголя:
(обратно)
Последование святаго Крещения
Входит священник и облачается в священническую одежду белую, и нарукавницы: и вжигаемым всем свещам, взем кадильницу, отходит к купели, и кадит окрест, и отдав кадильницу, покланяется.Таже глаголет диакон: Благослови́, Влады́ко.
Священник же возгласно:
Благослове́но Ца́рство Отца́ и Сы́на, и Свята́го Ду́ха, ны́не и при́сно, и во ве́ки веко́в.
Лик: Ами́нь.
Диакон же абие глаголет ектению:
Ми́ром Го́споду --">- 1
- 2
- 3
- 4
- 5
- . . .
- последняя (79) »
Книги схожие с «Требник» по жанру, серии, автору или названию:
Автор неизвестен - Религиоведение - Молитвы утренние Жанр: Религия Серия: Православный молитвослов |
Автор неизвестен - Религиоведение - Час первый Жанр: Религия Серия: Православный молитвослов |
Другие книги автора «Автор неизвестен - Религиоведение»:
Автор неизвестен - Религиоведение - Христианский дух в народных пословицах Жанр: Православие Год издания: 2000 |
Автор неизвестен - Религиоведение - Таинства Церкви Жанр: Православие Год издания: 2007 |